القصيده الاولى



جميعاً شارك بقيفه وقيله
وأنا مشارك وليّه اعتباري
وكلٍ باذلٍ جهده وحيله
وأنا جيت ابزهابي وابعياري
عليّه نذر لو ما رقى الطويلة
لهب نفسي لأنياب الضواري
أتيت أشعل مقابيس الفتيلة
ولا غير التحدي لي شعاري
إذا يمناي ما مدّت جزيلة
فلا تفرق يميني عن يساري
وأنا شاعر ولا لي بالهزيلة
وحرفي من جنوني وابتكاري
وإذا ماكسّب اخواني الجميلة
فلاني جالب اللومة لعاري
وإذا ماصرت بأخلاقٍ نبيلة
أكيد إني بساوم في وقاري
وإذا ما نصب عيني للعقيلة
فكان اشوالي ابدي اعتذاري
ولا زال انتمائي للقبيلة
وقبل هذا لديني ثم داري
أتيت وخلفي إخيولٍ أصيلة
على صهواتها عدة وناري
حزامي في الخفيفة والثقيلة
سيوف ابوجه عاديها شهاري
ولا فيهم بسيط وياحليلة
مع الوقفات ما فيهم مواري
جنوبي والجنوبي مايبيله
على الفزعات رجال انتحاري
يغيب ولا يجي رجلٍ بديلة
قدومٍ في الوغى وإن غار غاري
وحمله لا برك له....ابيشيلة
وعزمه لا يضام ولا يجاري
ولا له في العلوم المستميلة
صمودٍ لأنطرى فيها طواري
يخْلق الممكن من المسحيلة
يذّب لداخله ذبّ المهاري
مزهّب بنه لضيفه وهيله
وإكرامه بعد شيء اضطراري
وكلٍ يفخر بمن ينتمي له
وكلٍ له عشير وله دياري
وأنا شاعر ولا لي بالهزيلة
أتيت مشارك ولي اعتباري
إذا يمناي مامدت جزيلة
فلا تفرق يميني عن يساري

-----------------

القصيده الثانيه

كل (ن) له من الجرح تذكار .......... تروح مع الايام ويمحي غلها

الا جرحـي صامــد وجـبــــــــار .......... يزيد با القلب طعــــون تعــلــها

كاتم همي ولا ابوح با الاسرار .......... الا لصديق وقت الشدايد قدها

علمني الوقت صبر الاقدار ......... وذوقتني السنين من كاس مرها

من حبيب له با القلب مقدار .......... ما كفاني الوقت من شر غدرها

صوبت قلبي بسهـم غــ ــدار ......... ولا اسعفت روحـ(ن) تحتظر عندها

ياصحابي ماني على الهم صبار .......... وش لـي بحيـاة متسكــره كلهــا

صرت حاير بين فكري والأشعار ......... ولي با القلب مشاكل يصعب حلها

هذي الدنيا مالها يصاحبي جار ......... يــوم تــذوق بردهــا ويوم حرهـــأ

مــوج العـواصـف مالها بحـــار ........... محد يعـلـم با الأقـــدار وسرهــأ