الارض من بُعْدكم جرداء وعطشانه




ليت السماء اليوم ترحمها وتسقيها


والزرع فيها ذبل واصفرت الوانه




تعال قبل الاوان يفوت داويها


ما شفت عيني تبات الليل سهرانه




وما ذقت حر الدموع اللي تكويها


والنفس ما تشتهي كل شي حيرانه




والحال كثرت من افراقك طواريها


حتى القصص والسوالف راحت الحانه




ما هيب والله مثل اول تحليها


والدار حسّه طفا من دون خلانه




وزوّارنا ما بغونا عقب راعيها


ما هزّك الشوق والا قلت زعلانه




اروح اطيب خواطرها واسليها


ابعتذر واعترف لك بالخطا كانه




يرضيك حقك علي ما عاد اثنيها


انا على ما حصل والله ندمانه




ما رق قلبك وقلت اروح اراضيها


تفرح وتطفى لواهيبه ونيرانه




في رجعتك يالغضي لا شفت وش فيها

صح لسانك قصيده في قمه الروعه