اللي يبدلني بغيري أعافه




وانساه ما كني عرفته دقيقه


حتى لو ان الطرف صادف وشافه




باغض طرفي وابتعد عن طريقه


واعز نفسي عنه لو جاء هتافه




باحلى كلامٍ في عباره رقيقه


ولو كان يشبه للقمر بانتصافه




وغطت على الالماس لمعة بريقه


ما عاد ابي من صار بالفعل تافه




اللي تجاهلنا وخفى الحقيقه


النفس ما تشتاق للي تخافه




والروح ما هي في غرامه شفيقه


والعين ما تبكي لبعد المسافه




والقلب يكره كل همٍ وضيقه


وما ينبغى لا صار ما به ولافه




ولا وفاء هذي أمورٍ تعيقه


بابعد وادور جو صافي ونافه




واكتب عناوين الهوى في وثيقه


كلٍ يدوّر في حياته عفافه




وكلٍ يبي حبٍ يناسب عشيقه


والخير اذا وفاك رحّبْ ووافه




ولا تخلّي كل شي يعيقه

وكلٍ يبي حبٍ يناسب عشيقه


والخير اذا وفاك رحّبْ ووافه

تسلم يا اخ صالح..

لاعدمنا هالابداع منك..

تقبل مروري